Tekstovi: Davide Van De Sfroos. Lo Sconcio.

:
El durmiva gio'n sol taul
e'l tirava gio i mudand
el faseva i so mestee
nde la purtaven i so gamb
l'ha mai vedu na gesa,
l'ha mai cupa nison
t'el trovet la scunduu
cun la buteglia e coi so donn.
Sgarlava in di sacocc
per paga'n bianc a'n maruchen,
rubava in de na vila
per cumprass un muturen,
scapava dai gendarmi
e dai so' neu,
el nava al cimiteri
e po'l purtava via anca i fiuur.

Purtava i sigarett
de chi e de la del munt,
el gh'era il naas istort
e una sgarbelada in fruunt,
el nava di tusann
ghe dava la'n basen,
e po quand chi ne naven
gh'eren pio scia'l bursen...

Ma una sira che'l piuveva
l'ha vedu brila'n curtell
una dona la vusava
e in trii gh'eren prunt l'usell,
el solta fo me'n fulmin
e i a branca per el coll,
partisen pugnatuni
secc cum'e biroll!

La cercaven i giurnalisti
ma lu l'era dree a fa' na,
la cercava fin al sindic
ma lu l'era dree a pussa,
la cercava el reverendo
ma quand che l'ha veduu
l'era dreee a fa' na roba
che se vedeva dumaa'l cuu...

A la festa del paese,
dopu la prucesion,
g'hann da una medaia
in mezz a mila person,
lu alura l'ha dii: "grazie",
pero a basa vuus,
e po l'e naa in del ceric
e'l g'ha rubaa la cruus!!