Tekstovi: Canta U Populu Corsu. Bruscu.

Bruscu l'avia chjamatu
Un cane turcatu e neru
Per la caccia rinnumatu
Cunnisciutu in lu terzeru
Causa di la so morte
Perch'ellu era troppu fieru.

Fieru era cum'e un lione
E nun avia paura
Davanti a un battaglione
Li si mettia in pettura
Soca si cridia forte
Ancu piu che la natura.

Una mane di bon'ora
Partimu a fa la battuta
Chi ghjurnata di malora
Ch'ella un fussi mai venuta
Ch'ellu avia da more Bruscu
Quale l'averia creduta.

Un cignale pocu ombrosu
Stava nentr'a un sepalaghju
Bruscu troppu curagiosu
Un lu muvia a l'abbaghju
Si face entre per cacciallu
Ma surti cun pocu laziu.

Un solu colpu di sanna
Li taglio lu core nettu
S'ell'era stata la fiama
D'un cultellu o d'un stilettu
Per favurisce la morte
Un facia piu bell'effettu.

La morte di u mio cane
Un mi piace manc'appena
Ma la vogliu suppurtane
Bench'ella mi facia pena
Chi saria stata peghju
Per quella di Filumena.

Ava seranu cuntenti
Per la macchje li cignali
Un temenu li so denti
Ne mancu li mansellari
Un li dava basgii dolci
Chi ghjeranu morsi amari.

Le levre di lu Canale
Si ne ponu sta tranquille
Bruscu un li face piu male
Finite so le so sguille
S'elle sanu ch'ellu he mortu Seranu cuntente anch'elle.

O Bruscu riposa in pace
Ch'ava t'aghju vindicatu
Quessa in Corsica si face
Per un amicu fidatu
Quellu chi ha tombu a te
Di piombu l'aghju stinzatu